Էվորա, (պորտ.՝ Évora. Portuguese: [[Միջազգային հնչյունական այբուբեն|[ˈɛvuɾɐ]]] ( )), քաղաք Պորտուգալիայի արևելյան մասում, երկրի մայրաքաղաք Լիսաբոնից 120 կմ հեռավորության վրա։ Նույնանուն շրջանի վարչական կենտրոնն է։

Բնակչությունը՝ 56 596 մարդ (2011)։ Զբաղեցնում է 1307,08 կմ² տարածք։

Էվորան ներառվել է ՅՈՒՆԵՍԿՕ-ի «Համաշխարհային ժառանգության ցանկում»՝ շնորհիվ իր լավ պահպանված պատմական կենտրոնի, որը հայտնի է տարբեր ժամանակաշրջաններ ներկայացնող բազմաթիվ ուշագրավ հուշարձաններով՝ ներառյալ հին հռոմեական տաճարը։

Expresso լրագրի իրականացրած ուսումնասիրության արդյունքների համաձայն՝ Էվորան Պորտուգալիայում երկրորդ տեղն է գրավում ապրելու լավագույն պայմաններ ապահովող բնակավայրերի ցանկում, իսկ ըստ Մինյուի համալսարանի 2006 թվականին կատարած հետազոտության եզրահանգման՝ երկրի 18 շրջկենտրոնների մեջ առաջինն է տնտեսական մրցունակության տեսակետից։