Կանագավայի մեծ ալիք (ճապ.՝ 神奈川沖浪裏, Կանագավա օկի նամի ուրա), ճապոնացի նկարիչ Կացուշիկա Հոքուսայի` փայտի փորագրություն, «Ֆուձի լեռան 36 տեսարան» շարքի առաջին ստեղծագործությունը։ Նկարը կատարված է ուկիյո-է ոճով։ Համարվում է ճապոնական կիրառական արվեստի ամենահայտնի ու հանրաճանաչ ստեղծագործություններից մեկը։ Կա տեսակետ, որի համաձայն արևմուտքում այս փորագրությունն ավելի հայտնի է, քան ասիական արվեստի որևէ այլ ստեղծագործություն։

Փորագրության կենտրոնում` առջևի պլանում, պատկերված է նավակի վրա կախված հսկայական մի ալիք. կենտրոնում` հետին պլանում, պատկերված է Ֆուձիյամա լեռը։ Գործողությունը կատարվում է Կանագավա նահանգում։