გარნის წარმართული ტაძარი (სომხ. Գառնիի հեթանոսական տաճար) — ძვ. წ. I საუკუნის წარმართული (პაგანისტური) ტაძარი სომხეთში. მდებარეობს ერევნიდან 28 კილომეტრში კოტაიქის პროვინციის სოფელ გარნიში, მდინარე აზატის ხეობაში. ტაძარი საბჭოთა პერიოდში აღადგინეს ნანგრევებისაგან.
ისტორია
გარნის ციხესიმაგრეს მოიხსენიებს ტაციტუსი სომხეთის ამბების თხრობის დროს I საუკუნეში. ტაძარი აუშენებია თრდატ I-ს (66-88 წწ.) 76 წელს, რაც დასტურდება აქ აღმოჩენილი ბერძნული წარწერის მიხედვითაც:
„ჰელიოს!, თრდატ დიდი, დიდი არმენიის მეფე, როდესაც მეფობდა ააგო ეს მიუდგომელი ციხესიმაგრე დედოფლისთვის, თავისი მმართველობის მეტერთმეტე წელს[1][2]“
მოვსეს ხორენაცი ამ წარწერასაც და ციხესიმაგრის აგებასაც თრდატ III-ს (286-330 წწ.) მიაწერს.
↑ К. В. Тревер, Очерки по истории культуры древней Армении (II в. до н. э. — IV в. н. э.), М. Л.,= 1953 გვ. 187 ↑ 1700 лет христианской Армении
კომენტარის დამატება