კელნის ცენტრალური მეჩეთი (გერმ. Zentralmoschee Köln) — მშენებლობის პროცესში მყოფი სუნიტური მეჩეთი გერმანიის ქალაქ კელნში, ერენფელდის უბანში. მეჩეთი მოემსახურება რელიგიის უწყების თურქულ-ისლამურ კავშირს (Türkisch-Islamische Union der Anstalt für Religion). ნაგებობა მთავარ შენობასთან ერთად მოიცავს ორ მინარეთს, რომელთა სიმაღლეც 55 მეტრია. მეჩეთის არქიტექტორები არიან გოტფრიდ და პაულ ბემები. მეჩეთის მშენებლობასთან და მინარეთების სიმაღლესთან დაკავშირებით არსებობს საჯარო დაპირისპირებები.