សុសានចេតិយប្រធានាធិបតីហូជីមិញ ( Vietnamese: Lăng Chủ tịch Hồ Chí Minh ) គឺជា​ចេតិយ​ដែល​បម្រើ​ជា​ទីកន្លែង​បញ្ចុះសពរបស់អតីតមេដឹកនាំបដិវត្តន៍វៀតណាមនិងជាប្រធាន ​ហូជីមិញ នៅទីក្រុងហាណូយ ប្រទេស​វៀតណាម ។ ដែលជាអគារដ៏ធំមួយដែលមានទីតាំងនៅកណ្តាលនៃទីលានចតុកោងបាឌិញ ជាកន្លែងដែលលោកហូជីមិញ អធិបតីនៃបក្សពលករវៀតណាម ពីឆ្នាំ១៩៥១ រហូតដល់លោកបានទទួលមរណភាពនៅឆ្នាំ១៩៦៩ បានអានសេចក្តីប្រកាសថ្ងៃឯករាជ្យ នៅថ្ងៃទី០២ ខែកញ្ញា ឆ្នាំ១៩៤៥ ដោយបង្កើតសាធារណរដ្ឋប្រជាធិបតេយ្យវៀតណាម ។ ទីកន្លែងនេះបានបើកជាសាធារណៈរៀងរាល់ព្រឹក លើកលែងតែថ្ងៃច័ន្ទ។