Улуру или Ајерс Рок (англиски: Uluru, Ayers Rock) е песочна карпа која се наоѓа на Северната Територија, токму во средината на Австралија. Се наоѓа на 450 км од Алис Спрингс. Оваа карпа која нагло се возвишува во сува рамница настанала како причина на песочните наноси кои ветрот ги носел со векови. Улуру претставува свето место за Абориџините, австралиски домородци. Неговата црвена боја, се менува под дејство на сонцето, во текот на целиот ден. Денес Улуру претставува еден од многубројните национални симболи на Австралија.