Усќудар или Скутари (турски: Üsküdar) — еден од најголемите и најгусто населени подрачја во Истанбул, Турција. Усќудар се наоѓа на азиската страна од градот. Според податоци од 2007 година, овде живеат 492.666 жители. Во отоманскиот период, Усќудар бил еден од трите населби надвор од градските ѕидини на Цариград (заедно со Ејуп и Галата).

Во Усќудар денеска се наоѓаат околу 180 џамии, кои во најголем дел биле градени во времето на Османлиското Царство. На некои од нив има работено и познатиот архитект Мимар Синан. Една од најпознатите џамии во овој регион е „Султанија Миримах“, која била изградена во чест на ќерката на Сулејман Величествениот. Поамала џамија е Шемши-пашимата, која поседува една мала библиотека. Други попознати џамии се: „Јени Валиде“, „Атик Валид“, „Шакрин“ и други.

Исто така, овде се наоѓаат и поголем број на цркви, како Црквата Свети Илија, ерменската црква на Мурат Реис, Сурп Хач (црквата на Светиот Крст) итн.

Во регионот се наоѓа и синагогата Бет Јаков и Бет Нисим .