Dominikan Respublikası - (İspan República Dominicana, oxunuşu 'republika Dominikana') Karib dənizindəki Hispanyola adasında yerlşən bir ölkədir. Hispanyola Puerto-Rikonun qərbində, Kuba və Yamaykanın şərqində yerləşir. Venesuela ilə dəniz sərhədi vardır. Adanın qərb hissəsində Haiti yerləşir. Dominikan Respublikası ilə Dominika qarışdırılmamalıdır.
Dominikan Respublikası Avropalıların Amerika qitələrində ilk məskunlaşma yeridir. Paytaxtı, Santo-Dominqo da Amerikalardaki ilk müstəmləkə paytaxtı idi. Müstəqilliyinin böyük bir hissəsində ölkədə siyasi böhran yaşanmış, xalqı təmsil etməyən və təzyiqçi bir çox hökumət tərəfindən idarə edilmişdir. 1961-ci ildə diktator Rafael Leonidas Trujillo Molinanın ölümündən sonra Dominikan Respublikası təmsili demokratiyaya keçmişdir.

Dominikan Respublikası Latın Amerikasının Vest-Hind subregionuna daxildir.

Dominikan Respublikasının Avropadan gələn ilk ziyarətçisi Xristofor Kolumb 500 il əvvəl adaya ilk ayaq basdığında​​, bu quru parçasının gözəlliyi qarşısında ovsunlanmış və Kral Ferdinand ilə Kraliça Isabelaya bu sətirləri yazmışdı: "Bura insan gözünün görə biləcəyi ən gözəl yer". Bu günə qədər də Kolombun bu sözünə etiraz edən çıxmadı.

Dominik Respublikası İspan, Fransız, Haiti və Afrikalı mədəniyyətlərinin rəngli bir sintezidir. Qum-dəniz-günəş üçlüyünün ən gözəlini təqdim edən ölkə, eyni zamanda bütün duyularınıza xitab edən bənzərsiz bir mədəni təcrübə vəd edir.