Beverly Hills Estatu Batuetako Kalifornia estatuko Los Angeles konderrian dagoen hiria da. Santa Monica mendien magalean dago. Los Angeles hiriak erabat inguratzen du, ekialdean West Hollywood eta Fairfax District auzoekin mugatzen du, hegoaldean aldiz Westwood Village eta Century City auzoekin, denak ere, Los Angeles hiriko auzoak direlarik. Estatu Batuetako Zentsu Bulegoaren arabera, Beverly Hills hiriak 2009. urtean 33.784 biztanle zituen, hots, 2.334,42 bizt/km² dentsitatea.

Beverly Hills batez ere bertan dauden luxuzko etxalde handiengatik ezaguna da, hauek jende dirudun eta ospetsu nahiz zinemako izar handien bizilekuak direlarik.

Honako jende ezagun honen bizilekua da: Anastacia, Lindsay Lohan, Luis Miguel, Hilary Duff, Britney Spears, Christina Aguilera, Robert Redford, Leonardo DiCaprio, Julia Roberts, Nicolas Cage, John Travolta, Jack Nicholson, Paris Hilton, Johnny Depp, David Beckham, Jennifer Aniston, Brad Pitt, Tom Cruise, Adam Sandler,Jared Leto, Gene Simmons, Zac Efron, Ashley Tisdale, Ozzy Osbourne, Ellen DeGeneres, John Mayer, Miley Cyrus, Liam Hemsworth, Jonas Brothers, David Ernesto Sandoval Gomez, Jennifer Stone, Vanessa Hudgens eta Selena Gomez. Gainera, 2009an zendu zen Michael Jackson musikariaren etxaldea ere bereziki oso bisitatua da.