Hollywoodeko kartela (ingelesez: Hollywood Sign) Los Angelesko Hollywood Hills barrutiko Lee mendian dagoen kartel erraldoia da. Kartela "Hollywood" hitzaren hizki zuriez eginda dago, maiuskulaz. Hizki bakoitzak 13,7 metroko altuera du eta, guztira, kartelak 106,7 metroko luzera du. 1923an sortu zuten publizitate-kanpaina batentzat eta harrezkero ospetsu bilakatu da. Hollywooden girotutako film eta telesail askotan agertu da.