O Parque Nacional Olympic é un parque nacional que se atopa no Estado de Washington, na Península Olímpica, nos Estados Unidos de América. O parque ten catro rexións: o litoral do Pacífico, áreas alpinas, a bosque chuvioso do lado oeste, e os bosques do lado do leste máis seco. Dentro do parque existen tres ecosistemas diferentes, incluíndo o bosque subalpino e os pasteiros de flores silvestres, o bosque temperado e a escarpada costa do Pacífico.

O presidente Theodore Roosevelt designou orixinalmente o parque como Monumento Nacional do Monte Olimpo o 2 de marzo de 1909. O monumento foi redesignado parque nacional polo Congreso e o presidente Franklin D. Roosevelt o 29 de xuño de 1938. En 1976, o Parque Nacional Olympic foi designado pola UNESCO como Reserva da Biosfera Internacional, e en 1981 como Patrimonio da Humanidade. En 1988, o Congreso designou o 95 por cento do parque (3,500 km2) como Rexión Silvestre Olympic, que foi renomeada Daniel J. Evans Wilderness na honra do gobernador e senador Daniel J. Evans en 2017. Durante o seu mandato no Senado, Evans copatrocinou o proxecto de lei de 1988 que creou as áreas silvestres do estado. É a maior área salvaxe de Washington.