ប្រទេសស៊ូដង់ ដោយមានឈ្មោះជាផ្លូវការថា សាធារណរដ្ឋស៊ូដង់ គឺជាប្រទេសមួយស្ថិតនៅទ្វីបអាហ្វ្រិក។ ស៊ូដង់មានព្រំប្រទល់ជាប់នឹងប្រទេសជាច្រើនដូចជា៖ ប្រទេសអេហ្ស៊ីប លីប៊ី ឆាដ សាធារណរដ្ឋអាហ្វ្រិកកណ្តាល ស៊ូដង់ខាងត្បូង អេត្យូពី អេរីទ្រេ និងសមុទ្រក្រហម។ ប្រទេសស៊ូដង់មានប្រជាជនចំនួន ៤៤ លាននាក់គិតត្រឹមឆ្នាំ ២០២១ និងមានផ្ទៃដីសរុប ១,៨៨៦,០៦៨ គីឡូម៉ែត្រការ៉េដែលធ្វើឱ្យវាក្លាយជាប្រទេសធំបំផុតទីបីនៅទ្វីបអាហ្វ្រិក។ រដ្ឋធានីរបស់ប្រទេសនេះ គឺខាទូម ហើយទីក្រុងធំបំផុតគឺអុំឌូម៉ាន់។