Ura e Ibrit (serbisht: Мост на Ибру Most na Ibru) ose Ura Austerlitz ndodhet në qendër të qytetit të Mitrovicës që bashkon dy pjesët e qytetit Mitrovicën urbane dhe Mitrovicën e vjetër.

Në të dy anët e qytetit popullsia shqiptare përbënte shumicën absolute. Gjatë luftës në Kosovë ushtria, policia, paramilitarët, dhe civilët e armatosur serbë me forcën e armëve dëbuan për në Shqipëri qindra-mijëra banorë shqiptarë, ndërsa shtëpitë e tyre u dogjën me themel. Pas mbarimit të luftës në Kosovë (qershor 1999) banorët shqiptarë u kthyen në vatrat e djegura të tyre. Fatkeqësisht kjo nuk ndodhi me banorët e pjesës veriore të qytetit. Nga ajo kohë Ura mbi lumin Ibër u kthye në pikë të zezë të ndarjes, ku përgjonin bandat e armatosura serbe të ashtuquajtura “rojet e urës” që terrorizonin popullsinë civile shqiptare.