Guangxi edo Guangxi Zhuang Eskualde Autonomoa (广西 txinera sinplifikatuz), Txinako Herri Errepublikako eskualde autonomo baten izena da. Probintziak 236.700 kilometro koadroko azalera dauka, eta 2004ko erroldaren arabera 48.890.000 biztanle bizi ziren bertan. Kare-muino multzo batek Si-kiang ibaiaren haranak sortzen ditu. Eskualde honen mendebalean zhuang, yao, miao eta tung etniak bizi dira, nekazaritzari emanak. Ekialdean txinatarrak bizi dira; arroza, azukre-kanabera eta tea lantzen dute.