United States

Ամերիկայի Միացյալ Նահանգներ

John Fowler - CC BY 2.0 Bureau of Land Management - Public domain John Fowler - CC BY 2.0 Palacemusic - CC BY-SA 3.0 Bureau of Land Management - Public domain MasterDoggo - CC BY-SA 4.0 Ian Sane from Oregon, USA - CC BY 2.0 Tom Rolfe from Bristol, England - CC BY-SA 2.0 Elena.laps - CC BY-SA 4.0 Frank Kovalchek - CC BY 2.0 Jim Bowen from Hampstead, London, United Kingdom - CC BY 2.0 Photographersnature - CC BY-SA 3.0 Eneas De Troya from Mexico City, México - CC BY 2.0 MasterDoggo - CC BY-SA 4.0 Paul Sableman - CC BY 2.0 John Fowler - CC BY 2.0 RobBertholf - CC BY-SA 4.0 Jennifer R. Trotter - CC BY-SA 4.0 Frank Kovalchek from Anchorage, Alaska, USA - CC BY 2.0 Jeremy Keith from Brighton & Hove, United Kingdom - CC BY 2.0 William Rosmus - CC BY-SA 3.0 AppalachianCentrist - CC BY-SA 4.0 AhwatukeeBauer - CC BY-SA 3.0 Bob Wick; Bureau of Land Management - Public domain G. Thomas at English Wikipedia - Public domain User:Nepenthes - CC BY-SA 3.0 Adbar - CC BY-SA 3.0 Enricokamasa - Public domain Ray Redstone - CC BY-SA 4.0 Dave Bunnell - CC BY-SA 4.0 Arashnikkhah - CC BY-SA 3.0 Ray Redstone - CC BY-SA 4.0 Brian W. Schaller - FAL Steve Wilson - CC BY 2.0 MasterDoggo - CC BY-SA 4.0 rachel_thecat - CC BY-SA 2.0 Gila National Forest - CC BY-SA 2.0 Mike Tigas from Columbia, MO, United States - CC BY 2.0 Kmccoy - CC BY-SA 2.0 Bob Wick; Bureau of Land Management - Public domain William Rosmus - CC BY-SA 3.0 Photographersnature - CC BY-SA 3.0 Peter Hamel - Public domain Pierre Camateros - CC BY-SA 3.0 MichaelDPhotos - CC BY-SA 4.0 Ggerdel - Foto de: Gustavo Gerdel - CC BY-SA 4.0 Roger469 - Public domain Gila National Forest - CC BY-SA 2.0 KyleAndMelissa22 - Public domain USGS - McGimsey R.G. - Public domain David James Henry - CC BY-SA 4.0 Bureau of Land Management - Public domain No images

Context of Ամերիկայի Միացյալ Նահանգներ

Ամերիկայի Միացյալ Նահանգներ, հաճախ անվանվում է Միացյալ Նահանգներ, կամ պարզապես Ամերիկա (անգլ.՝ United States of America), դաշնային սահմանադրական հանրապետություն Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից, որոնք իրականում կիսանկախ պետություններ են (ինչը արտահայտված է նրանց պաշտոնական անունների մեջ․ օրինակ՝ Կալիֆոռնիան կոչվում է Կալիֆոռնիա Հանրապետություն և դա այժմ էլ գրված է նրա դրոշի վրա), և դաշնային նշանակության Կոլումբիա շրջանից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ինչպես նաև՝ ծովային սահման ունի Ռուսաստանի հետ։ Ամերիկյան երկու նահանգներ ցամաքային սահման չունեն երկրի հիմնական տարածքի հետ։ Դրանք են՝ Ալյասկան՝ Հյուսիսային Ամերիկայի հյուսիսարևմտյան հատվածում, և Հավայան կղզիները՝ Խաղաղ օվկիանոսում։

Ամերիկայի Միացյալ Նահանգները ստեղծվել է բրիտանական տասներեք գաղութների միավորման հետևանքով՝ 1776 թվականի հուլիսի 4-ին։ Այն կարելի է համարել Ամե...Կարդալ ավելին

Ամերիկայի Միացյալ Նահանգները ստեղծվել է բրիտանական տասներեք գաղութների միավորման հետևանքով՝ 1776 թվականի հուլիսի 4-ին։ Այն կարելի է համարել Ամերիկայի ազգային-ազատագրական պայքարում տոնած հաղթանակի գլխավոր հետևանքներից մեկը։ 1787 թվականին ընդունվեց ամերիկյան սահմանադրությունը, որն իր տեսակով առաջինն էր մարդկության պատմության մեջ։ Նույն տարում ԱՄՆ-ի առաջին նախագահ ընտրվեց ազատագրական շարժման ականավոր գործիչ Ջորջ Վաշինգտոնը։ 1865 թվականի դեկտեմբերի 18-ին Ամերիկայում վերացվեց ստրկությունը։ Առաջին համաշխարհային պատերազմի ավարտից հետո Ամերիկայի Միացյալ Նահանգները սկսեց անդամակցել Ազգերի լիգային և Միջազգային արդարադատության մշտական պալատին։ Երկրորդ համաշխարհային պատերազմի տարիներին հակահիտլերյան խմբավորմանն օժանդակելը բարձրացրեց ԱՄՆ-ի հեղինակությունը Եվրոպայում, իսկ ռազմական գործողությունների ավարտից հետո վերջինս դարձավ կապիտալիստական աշխարհի կորիզը։ 1945 թվականին ԱՄՆ-ն դարձավ առաջին միջուկային տերությունն աշխարհում։

Ամերիկայի Միացյալ Նահանգները ներկայումս զբաղեցնում է 9,826,675 կմ² տարածք (4-րդն աշխարհում) և ունի 322 370 752 մարդ (ըստ 2015 թվականի նախահաշվարկի) բնակչություն (3-րդն աշխարհում)։ Լայնամասշտաբ ներգաղթի պատճառով՝ այն աշխարհի ամենաբազմազգ պետություններից մեկն է։ Մայրաքաղաքը Վաշինգտոնն է՝ խոշորագույն քաղաքը՝ Նյու Յորքը։ Նյու Յորքից բացի, երկրի տարածքում կան 9 քաղաքներ ևս, որոնց բնակչությունը գերազանցում է մեկ միլիոնը։ Դրանք են Լոս Անջելեսը, Չիկագոն, Հյուստոնը, Ֆինիքսը, Ֆիլադելֆիան, Սան Անտոնիոն, Սան Դիեգոն, Դալասը և Սան Խոսեն։ Պետական լեզուն անգլերենն է, որն այստեղ տարածվել է գաղութային տարիներին։

Միացյալ Նահանգները ժամանակակից աշխարհի տնտեսական, քաղաքական և ռազմական ամենահզոր ուժն է։ Համախառն Ներքին Արդյունքի գրեթե 1/4 մասը ստեղծվում է ԱՄՆ-ում։ Արդյունաբերության և գյուղատնտեսության արտադրանքի ծավալով և արտահանմամբ, արտաքին առևտրի շրջանառության ծավալով, կապիտալի արտահանմամբ, գիտատեխնիկական ներուժով և սպասարկման ոլորտի զարգացման մակարդակով աշխարհի առաջատար տերությունն է։ Ամերիկայի Միացյալ Նահանգների տնտեսությանը բնորոշ է արտադրության և կապիտալի համակենտրոնացման բարձր աստիճանը։ Աշխարհի բոլոր երկրներից առաջինը հետարդյունաբերական փուլ թևակոխած այս երկրում ծառայություններ մատուցող ճյուղերի բաժինը համախառն ներքին արդյունքում կազմում է մոտ 80 %, իսկ արտադրական ոլորտին բաժին է ընկնում ընդամենը 20 %։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։