Հարավային Սուդան (անգլ.՝ South Sudan), պաշտոնապես՝ Հարավային Սուդանի Հանրապետություն (անգլ.՝ Republic of South Sudan), պետություն Աֆրիկայում, որի մայրաքաղաքն է Ջուբան։ Սահմանակցում է Եթովպիայի հետ արևելքում, Քենիայի, Ուգանդայի և Կոնգոյի Դեմոկրատական Հանրապետության հետ հարավում, Կենտրոնաաֆրիկյան Հանրապետության հետ արևմուտքում և Սուդանի Հանրապետության հետ հյուսիսում։ Տարածքը՝ 619 745 կմ²։ Հարավային Սուդանը իր անկախ կարգավիճակը ստացել է 2011 թվականի հուլիսի 9-ին անկախության դեկլարացիայի ստորագրումից հետո։ ՄԱԿ-ի անդամ 2011 թվականի հուլիսի 14-ից։